ساہیوال (اُردو پوائنٹ اخبارتازہ ترین – اے پی پی۔ 15 مئی2025ء) ایڈیشنل ڈسٹرکٹ اینڈ سیشن جج ساہیوال محمد فرخ حمیدنے سنٹرل جیل ساہیوال کا دورہ سپرنٹندنٹ جیل نوید اشرف نے استقبال کیا اور انہیں گارڈ آف آنر پیش کیا گیا۔ سینئر سول جج (کریمنل ڈویژن) محمد عارف خان نیازی بھی ان کے ہمراہ تھے۔
انہوں نے خواتین وارڈ، جیل ہسپتال، نوعمر وارڈ، سنٹر بارکوں، سزائے موت بلاکس کا دورہ کیا اور انتظامات کا جائزہ لیا۔ انہوں نے کچن اسیران میں کھانے کے معیار کو بھی چیک کیا۔ اس موقع پر ایڈیشنل ڈسٹرکٹ اینڈ سیشن جج ساہیوال محمد فرخ حمید نے اسیران کو فراہم کی جانے والی سہولیات پر اطمینان کا اظہار کیا اور معمولی جرائم میں ملوث13نفر اسیران کی فوری رہائی کا حکم دیا۔\
